Categoría: Xornalistas Galegas

Posted on

Xornalistas Galegas participa no debate sobre a discriminación da muller no deporte promovido pola II Romaría Feminista de Barbadás

A xornada celebrada o sábado 5 urxiu máis recursos e formación xudicial e sanitaria para protexer as vítimas de violencia de xénero

Towanda Rebels e Feminista Ilustrada recoñecen o papel crucial das RRSS para impulsar o movemento feminista

O municipio de Barbadás converteuse o pasado sábado en capital galega da igualdade coa celebración da II Romaría Feminista, na que interviñeron representantes públicas, comunicadoras, deportistas e activistas e investigadoras que falaron do papel trascendental xogado polas redes sociais para impulsar o feminismo e convertelo nun movemento transversal que implica a mulleres de todas as idades.

A xornada deixou clara a necesidade de proporcionar formación específica a maxistradas e maxistrados en activo, establecer protocolos no ámbito sanitario para garantir unha rigorosa atención ás vítimas de violencia de xénero ou agresións sexuais e de buscar mecanismos para incrementar a presenza de mulleres nas federacións deportivas para intentar correxir discriminacións en materia salarial ou de recursos.

A nosa compañeira e socia Silvia Vieito foi a encargada de moderar a mesa titulada “A muller no deporte”, na que Marta Bobo, Carmen Cid “Witch”, Merce Barrientos e Lorena Novas falaron do teito de cristal que soportan as mulleres deportistas, a ausencia de medios, as diferenzas salariais e os estereotipos que persisten sobre a súa imaxe. “Aínda non se acepta que o corpo das mulleres deportistas é un medio e non a fin en sí mesma”, denunciaron nunha interesante charla na que advertiron que, pese a idea que poda terse, “o número de mulleres que fan deporte a nivel competición mantense invariable dende hai 30 anos”, situación que atribúen en parte á falta de apoios públicos, patrocinadores, cobertura mediática e sensibilización dende as escolas.

Seguir lendo “Xornalistas Galegas participa no debate sobre a discriminación da muller no deporte promovido pola II Romaría Feminista de Barbadás”

Posted on

Oito de cada dez comunicadoras galegas secundaron a folga do 8M

O 76% das traballadoras dos medios e os gabinetes de comunicación de toda Galicia secundaron a folga de mulleres do 8 de marzo, segundo os datos obtidos por Xornalistas Galegas.

Xornalistas, fotógrafas, infografistas ou deseñadoras dos medios e gabinetes de comunicación das catro provincias galegas uníronse de xeito masivo á folga feminista convocada a nivel mundial, superando o 50% de secundamento en todas as grandes cidades de Galicia, como Santiago de Compostela (93%), Pontevedra (93%), Vigo (92%), A Coruña (60%), Lugo (60%), Ferrol (60%) ou Ourense (52%).

No caso dos medios de comunicación e gabinetes autonómicos (traballadoras das delegacións galegas de xornais ou televisións estatais, así como comunicadoras de oenegués, fundacións, institucións públicas e privadas ou colexios profesionais), a porcentaxe de mulleres que secundaron a folga do 8 de marzo ascendeu ao 78%.

Seguir lendo “Oito de cada dez comunicadoras galegas secundaron a folga do 8M”

Posted on

Xornalistas Galegas chama aos medios a non difundir opinións que banalizan a violencia machista

A raíz da publicación dun artigo de opinión por parte de dous medios de comunicación galegos no día de onte, 2 de xaneiro do 2019, que aborda a violencia de xénero cun enfoque trivial,  Xornalistas Galegas chama aos medios a asumir a súa responsabilidade de non difundir informacións nin opinións que banalicen a violencia machista.

Dende o colectivo lembramos, tal como recolle a Declaración de Compostela, que “medios e xornalistas adoptarán un compromiso activo na denuncia da violencia de xénero, incentivando a toma de conciencia social sobre a problemática que comporta”. A Declaración subliña tamén que “ante este tipo de delitos non cabe a neutralidade”,

Seguir lendo “Xornalistas Galegas chama aos medios a non difundir opinións que banalizan a violencia machista”

Posted on

Xornalistas Galegas reclama un tratamento cualificado e rigoroso da información sobre violencia de xénero

  • O colectivo remite a profesionais dos medios de comunicación unha compilación sobre guías, manuais, decálogos e informes existentes para abordar esta temática

A Declaración de Compostela impulsada polo Observatorio Galego de Medios e o Colexio Profesional de Xornalistas de Galicia, o manual Medios de Comunicación e Violencia de Xénero da Xunta de Galicia e diversos traballos académicos e profesionais de institucións e empresas xornalísticas privadas son algunhas das suxestións para unha formación expresa no ámbito

Santiago, 23 de novembro. A asociación Xornalistas Galegas, formada por mulleres profesionais de todos os ámbitos da comunicación comprometidas cun xornalismo feminista, lembra ao colectivo de profesionais dos medios de comunicación a necesidade de aplicar un tratamento informativo cualificado e rigoroso ás noticias relacionadas coa violencia de xénero.

A asociación, recentemente constituída e cuxo manifesto fundacional foi asinado por preto de 200 mulleres da comunicación de Galicia, quere reseñar, co gallo do 25 N, a existencia de manuais de boas prácticas e recomendacións básicas para realizar unha boa cobertura dos casos de violencia contra a muller. Para este fin, o colectivo remite a profesionais dos medios de comunicación unha compilación sobre guías, manuais, decálogos e informes existentes para abordar esta temática.

Seguir lendo “Xornalistas Galegas reclama un tratamento cualificado e rigoroso da información sobre violencia de xénero”

Posted on

Xornalistas Galegas impulsará a creación dunha axenda de expertas e un observatorio de medios

  • Mulleres profesionais de todos os ámbitos da comunicación presentan en Compostela un colectivo para acadar un xornalismo con perspectiva feminista.

Xornalistas Galegas, asociación formada por un amplo grupode comunicadoras galegas, presentou hoxe as súas liñas de traballo encamiñadas a acadar unha sociedade máis xusta e igualitaria a partir da produción dun xornalismo con perspectiva feminista. O acto tivo lugar na Facultade de Ciencias da Comunicación da Universidade de Santiago de Compostela.

O colectivo, na súa loita pola igualdade de xénero e a erradicación definitiva do machismo e o sexismo, está traballando na elaboración dunha axenda de expertas, que permita contar con especialistas en ámbitos como a economía, a ciencia, o deporte ou o propio feminismo no tratamento da información. Xornalistas Galegas porá a disposición das redaccións galegas, nomes e entidades de referencia nos diferentes ámbitos.

A creación dun observatorio de medios, un organismo dende o que realizar unha vixilancia feminista dos contidos e o tratamento das mulleres nos medios de comunicación, así como levar a cabo as denuncias pertinentes, é outro dos alicerces da asociación. “Vemos a necesidade de facer que informacións ou opinións machistas deixen de ser costume nos medios de comunicación, por iso comprometémonos a traballar nun observatorio dos contidos dos medios en coordinación coas Universidades galegas” apunta unha das voceiras do colectivo. A través da formación deontolóxica e a instalación da perspectiva feminista nos editores de contidos, Xornalistas Galegas promoverá o tratamento especializado da violencia de xénero na información.

Seguir lendo “Xornalistas Galegas impulsará a creación dunha axenda de expertas e un observatorio de medios”

Posted on

O 10 de novembro presentamos Xornalistas Galegas

  • A catedrática de comunicación e xornalista Margarita Ledo e a teórica feminista Rosa Cobo acompañan a Xornalistas Galegas na súa presentación pública
  • O acto de presentación da asociación contará cunha mesa de expertas, voces autorizadas en distintos eidos profesionais, que falarán da necesidade dun xornalismo con perspectiva feminista

A asociación Xornalistas Galegas, formada por mulleres profesionais de todos os ámbitos da comunicación: xornalistas, fotoxornalistas, comunicadoras, formadoras, investigadoras, técnicas audiovisuais e demais produtoras de información, nace co obxectivo de impulsar a produción dun xornalismo con perspectiva feminista que se reflicta tanto na información que xeramos como nas condicións nas que a elaboramos.

Xornalistas Galegas preséntase publicamente este sábado 10 de novembro nun acto no que contaremos coa presenza da xornalista Margarita Ledo e a teórica feminista e escritora Rosa Cobo, dúas figuras que representan os piares nos que se basea este novo colectivo, avanzar na consecución dun xornalismo con perspectiva feminista cun claro obxectivo: acadar unha sociedade máis xusta e igualitaria, na que se vexan erradicados os estereotipos de xénero.

Seguir lendo “O 10 de novembro presentamos Xornalistas Galegas”

Posted on

Xornalistas Galegas preséntase en Santiago o 10N para reivindicar un xornalismo feminista

Xornalistas Galegas, unha asociación que integra a mulleres profesionais do eido da comunicación, preséntase publicamente o sábado 10 de novembro nun acto no auditorio da Facultade de Ciencias da Comunicación de Santiago de Compostela. Neste evento reivindicarase a necesidade dun xornalismo feminista.

O programa do acto, no que se está traballando neste momento, recollerá o testemuño de voces autorizadas de mulleres destacadas do xornalismo, do feminismo e pioneiras doutros ámbitos. Trátase de responder a unha pregunta sinxela pero imprescindible: por que é preciso un xornalismo con perspectiva feminista?

Seguir lendo “Xornalistas Galegas preséntase en Santiago o 10N para reivindicar un xornalismo feminista”

Posted on

Xornalistas Galegas reivindica o papel dos medios de comunicación na loita feminista

  • O colectivo participou nunha mesa redonda sobre Sororidade dentro do acto “A Autoorganización como resposta á violencia de xénero” organizado pola Rede de Mulleres Veciñais contra os Malos Tratos de Vigo

O colectivo Xornalistas Galegas reivindica o papel que deben xogar os medios de comunicación na loita pola igualdade de xéneros e contra a violencia machista. Así quedou de manifesto de novo a pasada semana no acto “A autoorganización como resposta á violencia de xénero”, organizado pola Rede de Mulleres Veciñais contra os Malos Tratos de Vigo, no que o colectivo participou como integrante da mesa redonda sobre Sororidade.

A través da voceira Alba Taladrid, Xornalistas Galegas solicitou ás entidades e axentes que traballan diariamente a prol do feminismo e pola erradicación da violencia machista “un voto de confianza para a prensa amiga” á que representa o colectivo na súa procura dun xornalismo feminista que loite contra o machismo imperante na prensa e pola desaparición definitiva das discriminacións de xénero.

Seguir lendo “Xornalistas Galegas reivindica o papel dos medios de comunicación na loita feminista”

Posted on

Xornalistas Galegas defende un tratamento rigoroso das informacións sobre violencia de xénero

  • O colectivo participou este sábado na I Romería Feminista de Barbadás
  • Na mesa de debate avaliouse o papel dos medios tralo 8M

O colectivo Xornalistas Galegas vai tecendo novas redes. Este sábado participamos na I Romería Feminista de Barbadás na que intercambiamos propostas sobre igualdade coa Marcha Mundial das Mulleres, a Plataforma Feminista Galega, xuízas especializadas en violencia de xénero e comunicadoras. Ese era o noso papel nesta cita co feminismo galego. Formar parte dunha mesa de debate no se que avaliou o papel das comunicadoras como difusoras da mensaxe do 8M e do impulso ao feminismo a partir das movilizacións históricas do mes de marzo.

A compañeira Andrea Méndez compartiu intervención con Cristina Huete -El País-, Fernanda Tabarés -Grupo Voz- e Susana Pedreira -Onda Cero Pontevedra- na segunda mesa da xornada, onde se falou das estruturas masculinizadas dos medios, a necesidade de evitar unha linguaxe sexista e crear referentes femininos para as novas xeracións, a imprescindible incorporación de mulleres á sección de opinión e se debateu sobre a responsabilidade dos medios como xeradores de opinión e axentes socializadores.

Seguir lendo “Xornalistas Galegas defende un tratamento rigoroso das informacións sobre violencia de xénero”